АГРАРШЫ ТҮЛЕКТЕРГЕ ДИПЛОМ ТАПСЫРУ РӘСІМІ

Астананың туған күнімен орайлас келді 6 шілдеде еліміздің аграрлық білімі мен ғылымы, өндірісінің дамуына өзіндік үлес қосып, ауыл шаруашылығы мамандарын даярлау ісінде көшбасшы оқу орны болып саналатын Қазақ ұлттық аграрлық университетінің стадионында биылғы бітіруші түлектердің салтанатты шеруі өтті. Айтулы шараға білім ордасының оқытушылары мен жұмыс беруші кәсіпорын басшылары да қатысты. Қалай десек те, бұл айтулы күн биылғы университет бітіріп, үлкен өмірге қанат қаққан түлектердің есінде ұзақ сақталары хақ. Өйткені, ол екі айтулы датамен – бірі биыл өздері бес жыл білім алған қара шаңырақ сексеннің сеңгіріне шық­са, екіншісі – елордамыз Астана қаласының туған күнімен орайлас келіп отыр. – Қазақ ұлттық аграрлық уни­верситетінде 80 жыл бойы қалып­тас­қан тамаша академиялық дәс­түр­лер бар, – деді өз сөзінде уни­верситет ректоры, ҰҒА академигі Тілектес Есполов. – Соның бірі – бүгінгі бакалавр және магистратура бойынша университет бітірушілерге диплом тапсырудың салтанатты ша­­­расы. Бұл шараның еліміздің ор­дасы, өркениеттің жүрегі, табыс пен қарқынды дамудың басты символы – Астана қаласының ту­ған күнінде өткізілуі аграрлық сала мамандарының болашағына ақжол тілеудің нышаны. Себебі, Астана тарихи аз уақыттың ішінде халықаралық қауымдастық таныған әлемдегі ең жас елорда, сонымен қатар өркениетті үнқатысудың өзіндік моделі қалыптасқан өр рухты елдің қарқынды дамуының дәлелі бола білді. Бұл – елорданы Арқа төсіне көшіруден бастап, оның әр ғимаратының салынуы мен әр көшесінің тартылуын жіті қадағалап отырған Елбасы Н.Ә.На­зарбаевтың ұлан-асыр жеңісі. Одан әрі ректор аталмыш оқу ор­ны еліміздегі аграрлық саланың ғы­лыми элитасын қалыптастырып отырған бірегей университет еке­нін, себебі онда прогресшіл ғы­лы­ми инфрақұрылымның барлығын, сонымен қатар ҰҒА-ның аграрлық бөлімшесінің аталмыш оқу орнын­да орналасуы – ғалымдарға ау­қымды ғылыми-зерттеу жобаларын, зерт­теу­лерін іске асыруға мүмкіндік беретіндігін айта кетті. Университет өзінің 80 жылдық тарихында аграрлық білім мен ғы­лымның жарқын үлгісі болып келе­ді. Оған дәлел 150-ге жуық автор­лық оқу құралдары қолданыста. Бүгінгі таңда университет әлемнің 157 мемлекетіндегі оқу ордала­ры­мен меморандум негізінде, 53 ха­лық­аралық жоғары дәрежелі уни­вер­ситеттермен тікелей тәжірибе алмасуды жүзеге асырып келеді. 2001 жылдан әлемдік 300 үздік аграрлық университетті біріктіретін, аграрлық жоғары және ғылымның жаһандық консорциумының мүше­сі. Соңғы 5 жыл көлемінде уни­вер­ситеттің 500-ге тарта студенті мен жас ғалымдары элиталы Еуропа, АҚШ университеттерінде білім алмасу бағдарламалары аясында шетелдік тәжірибеден өтті. Қазір оқу орнында 7 факультет жұмыс істейді. Оның құрамында 40 кафедра болса, онда 600-ден астам профессор, ғылым докторы мен кандидаты қызмет етеді. Жекелеген кафедра оқытушыларының барлы­ғы дерлік ғылыми атаққа ие. Биыл бакалавр бойынша 720 студент, ал магистратура бойынша 129 жас өрен тәмамдаса, олардың ішінде 14 президенттік шәкіртақы, 70-ке жуық үздік диплом иегері бар. Шеруді университетте тұңғыш ашылған Ветеринарлық медицина және биотехнология факультетінің түлектері бастаса, бір атап өтерлігі ветеринариялық санитария және зоотехнология факультетін үш президенттік шәкіртақы, 24 үздік диплом иегері бітіріп отыр. Оқу орны жұмыс беруші мемле­кеттік мекеме, корпорация, ұлттық, трансұлттық компаниялармен ын­ты­мақтастық меморандумдарын қа­былдаған. Салтанатты рәсімге бар­лық мамандықтар бойынша жұмыс беруші компания өкілдері қатысты. Олардың атынан сөз алған “Қа­зақ­экспертиза” АҚ техникалық экс­пер­тиза департаментінің дирек­то­ры Шайх Жүсіпов бітіруші тү­лектерді жұмысқа шақыратын­ды­ғын, ал биылғы оқу барысында тә­жірибе алмасу негізінде 5 студентті өзде­ріне жұмысқа алғандығын атап өтті. Сондай-ақ, “Оңтүстік” ауыл­ша­руашылық өнімдері корпо­ра­циясы 10 білім грантын бөліп, 209 бітіруші студентті жұмысқа шақыр­ды. Қы­зылша және қант өндіруші ассо­циа­циясы ғылыми жобаларды жү­зеге асыру мақсатында 5 білім гран­тын, 5 атаулы шәкіртақы мен қосымша 13 млн. теңге қаражат бө­ліп, 14 түлекті жұмысқа ша­қыр­ды. Маңғыстау аймақтық басқар­ма­сы­ның агроөндіріс корпорация­сымен бірлесе жұмыс жасау не­гізінде ке­лісім-шартқа қол қойы­лып, аталған рәсімде 50 атаулы білім гранты бө­лініп, 59 түлекті өз­деріне шақырды. Жалпы, универ­ситет бүгінде 100 атаулы гранты мен 50 атаулы шә­кір­тақы тағай­ындау бойынша, 2010 жылғы 350 түлекті жұмысқа ор­на­­ластыру ке­лісім-шартын жасасқан. Сондай-ақ, шараға Медеу ау­да­нының әкімі М. Бидәліұлы, “Нұр Отан” ХДП Ал­ма­ты қалалық фи­лиалы төрағасының орынбасары А.Желдібаев қатысып, жастарға ақ жол тіледі. Диплом тапсырудың салтанатты рәсімі Астананың туған күніне арналған мерекелік концертке ұлас­ты. Университеттің ұлттық киім киген 500 студентінен құрыл­ған бишілер тобының “Қара жор­ға­сымен” ашылған концерттік бағ­дар­лама көркемөнерпаз студенттер мен танымал әртістердің өнер­ле­рімен ұласып, қонақтардың көңілін қанаттандырды. Ал бітіруші тү­лек­тердің бірі өмірлеріндегі қуанышты күнде ізгілік тілеп, аспан көгіне көгершін, шар ұшырып, мерекені қыздыра түсті.