АСТАНА. 10 мамыр. Бүгін Германия канцлері Ангела Меркель ресми сапармен Ресейге келді. Сапар аясында канцлер мен Ресей президенті Владимир Путин екіжақты кездесу өткізді. Бұл туралы РИА «Новости» хабарлады.
Ресей басшысының баспасөз хатшысы Дмитрий Песковтың айтуынша, мемлекет басшыларының Кремльдегі кездесуінде екіжақты қатынасты одан әрі жақсарту және Украина жағдайын реттеу бойынша Минск келісімін орындау тетіктері талқыланды. Одан бөлек, Ресей мен Еуропалық одақтың қарым-қатынасы және тағы басқа өзекті мәселелер сөз болды.
Сонымен қатар, Владимир Путин мен Ангела Меркель Мәскеудегі Белгісіз жауынгер ескерткішіне гүл шоғын қойды.
Еламан Қоңыр.
Дерек, сурет: РИА «Новости».
