АСТАНА. 23 наурыз. Ресейдің «Бірінші арнасында» қазіргі күндері «Орлова және Александров» сериалын көрсету жүріп жатыр. Бұл туралы Woman's Day хабарлады.
Сериал кешегі кеңес кезеңінің ең бір өарқын, ең бір атақты актрисасының өмір жолдары туралы сыр шертеді. Оның айрықша танымал болғаны сондай, ол туралы ұдайы алуан түрлі қауесеттер мен аңыздар соңынан өріп жүрді.
«Антенна» басылымы осыған орай актрисаның немере жиені Нонна Голикованы тауып алып, оған Орлова жайындағы бірнеше аңызға түсіндірме бере кетуді өтінді. Мәселен, былай дейді...
...актриса мен оны барлық фильмдерінде түсірген режиссер Григорий Алксандровтың некелері өнер үшін жасалған жалған неке болған.
Н.Голикованың түсіндірмесі: «Бұл сандырақ. Олардың арасында шынайы махаббат болды. Ал олардың арасында неге бала болмады, дегенге келсек. Себебі, Любовь Петровна ақылды әйел еді. Енді оның өмірбаянын еске алып көрейікші. Революция болып, оның ата-анасы бір сәтте жұмыссыз қалған дворяндар болып шыға келгенде, оның жасы 15-те болатын. Сол кезде оған жұмыс істеп, бидон құйылған сүтті сатуға тасып тұруға тура келді. Сосын азамат соғысы басталды, 1930 жылдарда аштық, репрессия болды, бұлардың соңғысы оның бірінші күйеуі Андрей Берзинді тұтқынға алуға апарды. Сосын Ұлы Отан соғысы... Мұндай уақыттарда қандай бала болуы мүмкін? Бұған қоса, ол күйеуінен басқаны керек етпейтіндей бақытты өмір сүріп жатты. Ол сондықтан: «Менің Гришенька деген балам бар» дегенді жиі айтатын».
...Орлова Сталиннің тек сүйікті актрисасы ғана емес, көңілдесі де болды.
Н.Голикованың түсіндірмесі: «Ол Сталинді өмірінде бір-ақ рет көрген. Мұның өзі 15 минутқа ғана созылған (Таныстық 1935 жылы кеңес киносына 15 жыл толуына байланысты болған қабылдау кезінде, Орлованың РСФСР-дің еңбек сіңірген әртісі атағын алатын кезінде болған – «Антеннаның» ескертпесі). Ал Орлованың шынында Сталиннің сүйікті актрисасы болғаны жұрттың бәріне белгілі. Маған Григорий Васильевич кешкілік өзінің саяжайында отырғанында Иосиф Виссарионовичтің Орлова қатысқан фильмнің бір немесе екі бөлімін өте жиі көріп тұратынын айтып берген. Бәлкім, Любовь Петровна сондықтан да шектеулі өмір салтын ұстанып, ешуақытта Кремльде қабылдауда бола бермеген шығар».
...Орлова 90 рет пластикалық операция жасатқан.
Н.Голикованың түсіндірмесі: «Ондай операцияның болғаны рас, бірақ бір рет қана жасалған. (Айтқандай, оны жасаған хирург Александр Шмелевті кейін Александр алғыс сезімі ретінде өзінің «Қара торғай мен Лира» деген ең соңғы фильміне түсірген. – «Антеннаның» ескертпесі). Маған: «Ол бетін қалай күткен?» деген сұрақ жиі қойылады. Жас шағымда бұло сұрақ мені де қызықтыратын. Мен оның кеңесін әрдайым мұқият тыңдап, ешқашан импорттық кремдерді пайдаланған емеспін, тек өзіміздікін ғана қолдандым. Себебі, біздердікі әртүрлі химиялық элементтермен былғанған емес еді. Өйткені, химия өнеркәсібі әлі жақсы дамымаған еді».
...революциядан кейін 15 жасар Люба өмір сүру үшін ақша табу мақсатында Орловтар тұратын Воскресенскіден Мәскеуге сатуға бидонмен сүт таситын. Осының салдарынан кейін оның саустары қисайып кетіп, буындары ауыратын болды. Ал кадрға оның дублерлерінің әдемі қолдары көрсетілетін.
Н.Голикованың түсіндірмесі: «Бұл жағдайда оның әдетте өз қолдарын жасырып ұстағаны шындық. Олар расында ауыр бидондарды көтергендіктен қисайып кеткен. Сондықтан ол көбіне қолғап киіп жүрді немесе саусақтарының кемісін білдірмейтіндей ұзын жеңді киімдер киді».
...бір жолы Орлова киностудияда Александровтың бір қайсар табынушысы пайда болыпты, оған режиссер де ықылас білдіріпті. Бұл әйел әлдеқандай бір мерекенің құрметіне режиссер мен актрисаның үйіне шақыртылыпты. Любовь Орлова өздеріне ортақ тігіншіден оның қонаққа қандай киіммен келетінін алдын ала біліп алып, бөлмедегі барлық жиһазды соның көйлегінің түсіндей матамен жауып қойыпты. Қарсыласы мынадай кейін қатты тәнті болыпты».
Н.Голикованың түсіндірмесі: «Любовь Петровна шынында да жиһаздарды матамен өзі қаптағанды жақсы көретін. Бірақ көйлектің түсіне байланысты келтрілген мысал – барып тұрған сандырақ. Орлова шын мәнінде қызғаншақ әйел болса да, дәл мынадай деңгейге дейін түсіп, қорланған емес».
...бір жолы Орлова киностудияда Александровтың бір қайсар табынушысы пайда болыпты, оған режиссер де ықылас білдіріпті. Бұл әйел әлдеқандай бір мерекенің құрметіне режиссер мен актрисаның үйіне шақыртылыпты. Любовь Орлова өздеріне ортақ тігіншіден оның қонаққа қандай киіммен келетінін алдын ала біліп алып, бөлмедегі барлық жиһазды соның көйлегінің түсіндей матамен жауып қойыпты. Қарсыласы мынадай кейін қатты тәнті болыпты».
Н.Голикованың түсіндірмесі: «Любовь Петровна шынында да жиһаздарды матамен өзі қаптағанды жақсы көретін. Бірақ көйлектің түсіне байланысты келтрілген мысал – барып тұрған сандырақ. Орлова шын мәнінде қызғаншақ әйел болса да, дәл мынадай деңгейге дейін түсіп, қорланған емес».
