Айболат

дзюдодан әлем чемпионы атанды Атырау палуандарының арасында Ыстыбаевтардың абыройы аспандап тұр. Жақында Айболат Ыстыбай Босния және Герцеговина астанасы – Сараеводан алтын жүлдемен оралды. Бір отбасында тәрбиеленген Нұрболат пен Қанат та, ағала­рының ізімен спортқа аңсары ауған Айболат та самбо, дзю­до және қазақ күресімен айна­лысады. Ағайынды балуан­дардың жетістіктері де аз емес. Ол осында өткен кадет­тер арасындағы дзюдод­ан әлем біріншілігінде қарсылас­та­рының бәрін айқын басым­дықпен жеңіп, әлем чемпио­ны атанды. Айболат әлемнің әр түкпі­рінен жиналған 500 спорт­шының арасынан оқ бойы озып, Қазақ елінің көкбайрағын биікте желбіретіп, Әнұранды шырқату үшін на­мысқа тырысты. Мақсаты –елдің абыройын аспандату. Сол мақсатына жету үшін барын салды. Жаттықтырушысы Мержан Есма­­ғамбетовтің тәлімін ой еле­­гінен өткізді. Қазақтың намыс­ты, қайсар балуаны 50 кило салмақта алдымен АҚШ, Ресей, Кипр, Грузия балуандарын иппон ұпайымен жеңді. Алтын медальға қол жеткі­зетін ақтық сында итальялық балуанмен сынға түсті. Шаршы алаңда жан берісіп, жан алысқан сында қазақ балуаны қарсыласының осал тұсын тауып, айқын басымдығын танытты. Осылайша, әлем чемпионы атанған 17 жасар Айболат Ыстыбайдың бұл жеңісі Сараево төрінде көкбайрағымызды көк­ке көтеріп, Әнұранымызды шыр­қатты. Жолдасбек ШӨПЕҒҰЛ, «Егемен Қазақстан». АТЫРАУ.