«Цитадель» – бір ғана адамның немесе бір әулеттің тарихы емес, бұл – мыңдаған қазақстандық жауынгердің тағдыры мен ерлігінің көрінісі. Мұндай туындылар өткен мен бүгіннің арасын жалғап, жас ұрпаққа тағылым береді», деді ол.
«Цитадель» деректі фильмін бұған дейін Алматы мен Мәскеу қаласының көрермендері тамашалаған. Мәскеудегі көрсетілімге еліміздің Ресейдегі Төтенше және Өкілетті Елшісі Дәурен Абаев қатысқан.
Жалпы фильмде Қасым Жарменовтің Брест қамалындағы жанқиярлық ерлігімен қатар, соғыстан кейінгі бейбіт өмірі, туған жері Шымкентке оралып, дене шынықтыру пәнінің мұғалімі ретінде жас ұрпақты тәрбиелеуге қосқан үлесі кеңінен баяндалады. Сондай-ақ көрермен батырдың ұрпақтары – Денис пен Тимур Жарменовтердің отбасы тарихына қызықты сапар шегеді.
ШЫМКЕНТ
