АҚШ-та Ресейге қысымды күшейте түсудің жолы қалмады

АСТАНА. 23 наурыз. АҚШ энергетика саласы бойынша Ресейге қарсы санкциясын күшейтудің жолдарын таппай отыр. Бұл туралы РИА «Новости» хабарлады. Хабарламада көрсетілгендей, АҚШ Ресейдің мұнай экспортына қысым жасай түсуі мүмкін. Бұл жағдайда Ресей Еуропа елдеріне газ жеткізуін азайтуы ықтимал. АҚШ бұл бағытта түрлі айла-шарғы жасап бағуда. Олар Ресейдің «қара алтын» экспортын тұқырту үшін аз уақыт болса да өздерінде тақтатас мұнайын өндіруді арттыруы мүмкін. Алайда, мамандар бұл амал Ресей экономикасына анау айтты залалын тигізе қоймайды деп есептейді. Айта кетейік, АҚШ пен Еуропа елдері бұған дейін Ресейдің Украинаға байланысты ұстанымына орай салған санкцияларын бірнеше рет күшейткен-ді. Жолдыбай Базар. Дерек, сурет: РИА «Новости».