АТЫРАУ. 12 мамыр. Атырау облысында кешеден бері толассыз жаңбыр жауып, жұртшылықты әбден әбігерге салды. Бұл туралы egemen.kz тілшісі хабарлады.
Төтенше жағдайлар департаменті таратқан мәліметке қарағанда, 11 мамырдан бері нөсер жауынмен бірге ұйытқи соққан желдің жылдамдығы секундына 15-20 метрге жеткен. Нөсер жауыннан жеке сектордағы 12 үйге суға кету қаупі төнді. Бұл дерек әлі де анықталу үстінде.
Жауын салдарынан Атырау қаласының көшелері суға толды. Жаңбыр суын соруға арнаулы көліктер тартылуда. Жоғарыда айтылған жеке сектордағы 12 үйден 35 адам қауіпсіз жерге көшірілді.
Жолдасбек Шөпеғұл.
Дерек:egemen.kz.
Сурет: Төтенше жағдайлар департаменті.
