Солтүстік Қазақстанда басқарма басшысы тағайындалды

АСТАНА. 24 ақпан. Солтүстiк Қазақстан өңірінің әкiмi Ерiк Сұлтановтың бұйрығымен облыстық мал дәрiгерлiк басқармасының басшысы болып Ербатыр Қайыргелдiұлы Мадияров тағайындалды. Бұл туралы облыс әкімдігінің баспасөз қызметі хабарлады. Ербатыр Мадияров 1971 жылы Ресей Федерациясы Омбы облысы Есiлкөл ауданында туған. Мал дәрiгерi мамандығы бойынша жоғары бiлiм алған. Еңбек жолын 1992 жылы Омбы облысындағы «Лесной» шаруашылығында мал дәрiгерi болып бастаған. 2001 жылдың мамыр айынан бастап 2006 жылдың қыркүйек айына дейiн Ауыл шаруашылығы министрлiгi Петропавл қалалық аумақтық басқармасы басшысының орынбасары болып жұмыс iстедi. 2006 жылдан 2014 жылға дейiн Ауыл шаруашылығы министрлiгi Петропавл қалалық аумақтық инспекциясы басшысының орынбасары лауазымында қызмет еттi. 2014 жылдың шiлде-қараша айлары аралығында облыстық ауыл шаруашылығы басқармасы басшысының орынбасары болды. Ал 2014 жылдың қараша айынан бастап осы тағайындауға дейiн облыстық мал дәрiгерлiк басқармасы басшысының орынбасары қызметін атқарды. Жолдыбай Базар. Дерек, сурет: Солтүстік Қазақстан облысы әкімдігінің баспасөз қызметі.