Еске алу шарасына Алматы облысы әкімінің орынбасары Ғани Майлыбаев, Қонаев қаласының әкімі Асхат Бердіханов, қала ақсақалдары, мәдениет саласының өкілдері, құқық қорғау органдарының қызметкерлері және қала тұрғындары қатысты.
Жиналған жұртшылық қазақ халқының ардақты перзентінің ел дамуына сіңірген ерен еңбегін еске алып, оның мемлекет басқарудағы кемел саясаты мен адами болмысына тоқталды. Дінмұхамед Ахметұлының қайраткерлік жолы – елге адал қызмет етудің, парасат пен жауапкершіліктің жарқын үлгісі екені атап өтті.
Шара барысында қатысушылар ескерткіш алдына гүл шоқтарын қойып, ұлт тарихында өшпес із қалдырған тұлғаның рухына тағзым етті.
Алматы облысы.
