Ашылу салтанатына Мажарстан Мәдениет және инновациялар министрі Балаш Ханко, Қазақстанның Мажарстандағы елшісі Абзал Сапарбекұлы, Түркі академиясының президенті Шаһин Мұстафаев, ТҮРКСОЙ» бас хатшысы Сұлтан Раев, Мажар Ұлттық музейінің президенті Габор Жигмонд, «Мажар-Тұран» қорының президенті Андраш Жолт Биро, сондай-ақ Әзербайжан, Түркия, Өзбекстан, Моңғолия сынды бірқатар елдің музей басшылары мен ғалымдары қатысты.
Халықаралық ынтымақтастық нәтижесінде ұйымдастырылған көрмеде 13 елдің 64 музейінен жиналған 400-ден астам бірегей тарихи жәдігер ұсынылған. Экспозиция ғұн дәуірінен бастап бүгінге дейінгі шамамен 1600 жылдық тарихи кезеңді қамтып, Аттиланың тұлғасы мен ғұндар мұрасы әйгіленді. Көрмеге Отанымыздан табылған ғұн дәуірінің археологиялық жәдігерлері де қойылды.
Көрме аясында «Еуропалық ғұндар және далалық археологияның соңғы жетістіктері» атты халықаралық ғылыми конференция өткізіліп, оған Мажарстан, Түркі мемлекеттері және Моңғолиядан келген жетекші археологтер мен зерттеушілер қатысты. Мажар ұлттық музейіндегі «Аттила» көрмесі 23 қаңтардан 12 шілдеге дейін көпшілік назарына ұсынылады.
