Арал ауданында газдандыру жұмысы басталды

Биылғы жылы Қызылорда облысы елді мекендерінің 70 пайызы «көгілдір отынмен» қамтамасыз етіледі. Бұл туралы облыс әкімінің баспасөз қызметі хабарлады. Өткен жылы «Бейнеу-Бозой-Шымкент» газ құбырының құры­лысы аяқталды. Осыған орай Қызылорда облысы елді мекен­деріне газ тартудың да мүмкіндігі туды. Облыстық бюджет есебінен «көгілдір отынға» 23 млрд. теңге қаржы бөлінген. Аймақты газбен қамту аясында 1000-нан аса жұмыс орны ашылады. Өңірде бірінші болып Арал ауданында газ жүргізу жұмыстары қолға алынды. Ол 18 ақпан күні ресми жағдайда басталды. Енді «Бейнеу-Шымкент» газ құбыры арқылы Арал қаласы 100 пайыз газбен қамтылатын болады. Содан кейін кезең-кезеңімен аудандағы елді мекендерге газ тарту жұмыстары жүргізіледі. – Біз Қызылорда облысының елді мекендерін газдандыру жұмыстарын бүгіннен бастап кеттік. Қазіргі таңда Арал, Жаңа­қорған аудандарының орталы­ғында құбырларды дәнекерлеу жұ­мыстары жүргізіле бастады. Жыл соңына дейін құрылыс жұмыс­тарын мерзімінде әрі сапалы орындауға уәде береміз, – деді «ҚазТрансГаз Аймақ» АҚ Қы­зылорда өндірістік филиалының директоры Серікхан Байзақов. Мұрат АЙТҚОЖА.