Меморандумға қол қойылды

Кеше, Қазақстан Республикасының Премьер-Министрі Кәрім Мәсімовтің сапары барысында Лондон қаласында Қазақстан машина жасаушылар одағының басқарма төрағасы, Парламент Мәжілісінің депутаты Мейрам Пішембаев пен Ұлыбритания машина жасаушылар технологиясы ассоциациясының вице-президенті Гай Молларт екі ел арасындағы ынтымақтастықты дамыту туралы меморандумға қол қойды. Аталған меморандумда екі мемлекеттің машина жа­сау­шыларының қарым-қатынасы негізінде өндірісті роботтандыру, компьютерлік жобалау, темір өңдеудің жаңаша жүйесі мен станоктар және құралдарды соңғы технологиямен өндіру белгіленген. Іс-шараны қорытындылаған Премьер-Министр Кәрім Мә­сімов мемлекеттеріміздің сауда-экономикалық қатынасын ал­дағы уақытта дамытуда бүгінгі ынтымақтастықтың маңыз­дылығына баса назар аударды, деп хабарлады Парламент Мәжілісінің  баспасөз қызметі.