Облыс орталығындағы көркемсурет музейінде Ассамблея жылына орай «Айреник» этномәдени бірлестігінің ұйымдастыруымен «Армения өнері: көне және бүгін» атты көрме ашылды.
Облыстағы «Айреник» қоғамдық бірлестігі 1995 жылы құрылды. Содан бері Эльмира Петросян басқаратын бірлестік елдік тұтастық пен келісімді сақтауда, армян халқының ұлттық мәдениетін, салт-дәстүрін, әдет-ғұрпын жаңғыртуда үлгілі қызмет атқарып келеді.
Этномәдени бірлестікте ақсақалдар кеңесі және оның жастар қанаты, әдеби, би ұжымдары жұмыс жасайды. Көрмеден ұққанымыз, армян халқы мәдениетінің көне заманнан – тау-жартастардағы жазбалар мен тас және қола мүсіндерден, әшекейлі қару-жарақтар, шыны және қыш ыдыстардан бастау алатыны. Яғни, сәулет өнерінің туындыларын, қабырғаға салынған суреттерін, мүсіндер мен тұрмыстық заттарын дүниеге әкелген Ежелгі Урарту мемлекетінің мәдениетін қалыптастырады.
Осы өнер орталығының бірі 2783 жыл бұрын іргесі қаланған көне Эребуни (Ереван) қаласы екен. Көрмеде өткен жылдардағы суретшілер Мариам, Ерануи Асламазян, Ара Бекарян, Дмитрий Налбандян, Симон Галостян және қазіргі заманғы армян суретшілерінің туындылары қойылған. Ал қарағандылық суретші Саркис Саносян (1922-2004) болса, 1980-жылдары біздің облыстық көркемсурет музей қорына өзінің туындыларын сыйға тартыпты.
Көрмеге, сондай-ақ, ел есінде жүрген Оганес Зардарян, Рубен Габриелян, Альберт Папикян, Александр Григорян, Петрос Малаян, Лавиния Бажбеук-Меликян, Седа Карагезян және басқа да атақты суретшілердің суреттері қойылыпты. Армян халқының қилы өмірі сурет арқылы көрініс тапқан.
Фарида БЫҚАЙ,
«Егемен Қазақстан».
ПАВЛОДАР.
Облыстағы «Айреник» қоғамдық бірлестігі 1995 жылы құрылды. Содан бері Эльмира Петросян басқаратын бірлестік елдік тұтастық пен келісімді сақтауда, армян халқының ұлттық мәдениетін, салт-дәстүрін, әдет-ғұрпын жаңғыртуда үлгілі қызмет атқарып келеді.
Этномәдени бірлестікте ақсақалдар кеңесі және оның жастар қанаты, әдеби, би ұжымдары жұмыс жасайды. Көрмеден ұққанымыз, армян халқы мәдениетінің көне заманнан – тау-жартастардағы жазбалар мен тас және қола мүсіндерден, әшекейлі қару-жарақтар, шыны және қыш ыдыстардан бастау алатыны. Яғни, сәулет өнерінің туындыларын, қабырғаға салынған суреттерін, мүсіндер мен тұрмыстық заттарын дүниеге әкелген Ежелгі Урарту мемлекетінің мәдениетін қалыптастырады.
Осы өнер орталығының бірі 2783 жыл бұрын іргесі қаланған көне Эребуни (Ереван) қаласы екен. Көрмеде өткен жылдардағы суретшілер Мариам, Ерануи Асламазян, Ара Бекарян, Дмитрий Налбандян, Симон Галостян және қазіргі заманғы армян суретшілерінің туындылары қойылған. Ал қарағандылық суретші Саркис Саносян (1922-2004) болса, 1980-жылдары біздің облыстық көркемсурет музей қорына өзінің туындыларын сыйға тартыпты.
Көрмеге, сондай-ақ, ел есінде жүрген Оганес Зардарян, Рубен Габриелян, Альберт Папикян, Александр Григорян, Петрос Малаян, Лавиния Бажбеук-Меликян, Седа Карагезян және басқа да атақты суретшілердің суреттері қойылыпты. Армян халқының қилы өмірі сурет арқылы көрініс тапқан.
Фарида БЫҚАЙ,
«Егемен Қазақстан».
ПАВЛОДАР.
