ПАРТИЯЛЫҚ БАҚЫЛАУ ПӘРМЕНДІЛІГІ

Жиынға қатысқандар қаладағы балалар шығармашылығы орталы­ғы­ның, 20 пәтерлік тұрғын үй мен тағы басқа нысандардағы құрылыс жұ­мыстарының барысымен таны­сып, оның сапасына ден қойды.Мемлекет басшысының биылғы Жолдауында қаржы жүйесінің тұ­рақтылығы мен орнықтылығын қам­тамасыз етудің маңыздылығы атап көрсетілген. Осы міндеттерді жүзеге асыру барысында “Нұр Отан” ха­лықтық-демократиялық партиясы об­лыстық филиалы нақты жұмыстарды қолға алып, “Жол картасы – халық сенімі” қо­ғамдық тыңдауды Қапша­ғай қала­сын­да өткізіп, оған өңірдегі партия филиалдарының төрағалары­ның бірінші орынбасарлары, пар­тиялық бақы­лау комиссияларының төраға­лары және Қапшағай қалалық мәслиха­ты­ның депутаттары, партия бел­сен­ділері мен үкіметтік емес ұйымдар мүшелері, әлеуметтік бағдарлама, құрылыс бөлімдерінің басшылары қатысып, күн тәртібіндегі мәсе­ленің маңызына мән берді. Қоғамдық тыңдауда облыстық филиал партиялық бақылау комис­сиясының басшысы Ж.Жексен­би­нов “Жол картасы” бағдарла­ма­сы­ның аясында өңірде атқарылған жұмыстарға тоқталып, соңғы екі жылда ғана маңызды шараға 27 млрд. теңгеге жуық қаржы бөлініп, игерілгенін ортаға салды. Нәти­же­сінде, 20 мыңға жуық адам жұмыс­пен қамтылса, 530-ға жуық жоба жүзеге асырылыпты. Сонымен қатар, “100 мектеп, 100 аурухана”, “Ауыз су”, “Тұрғын үй-ком­му­нал­дық шаруашылығы”, “Жол құры­лы­сы” бағдарламасымен елді мекен­дерде тұрғын үй салу, жылу және сумен қамтамасыз ету жүйе­лері жөнделсе, мыңдаған шақырым көлік жолдары, білім беру, ден­сау­лық сақтау, мәдениет және спорт нысандарын салу мен күрделі жөн­деуден өткізу жұмыстары қам­тылғаны айтылды. Тек Қапшағай қаласында бағдарлама аясында 15 нысан іске қосылып, 667,7 млн. теңгенің құрылыс жұмыстары игерілсе, шаһар сәулеттеніп, қазіргі заман қаласына айналған. Партияның кезектен тыс ХІІ съезінде алға қойылған міндеттерге байланысты жұмыстар ауқымы әлі де жеткілікті деуге болады. Сон­дықтан да, қоғамдық тыңдау кезінде аталған шаһардағы әлеуметтік ны­сандар құрылысында жол жөндеу, тағы басқа салалардағы жұмыс­сыздықты азайту мен қаржы дағ­да­рысынан шығуға бағытталған бағ­дар­ламалардың бүгінгі жайы зерде­леніп, қалалық партия филиалы жанындағы партиялық комиссия мен бекеттердің жұмысына баға бе­ріл­се, тыңдауда оның біршама тия­нағы келтірілгені атап көрсетілді. Өңірде өткен жылы “Жол кар­тасы” негізінде жүзге тарта пар­тия­лық бақылау бекеттері жұмысын жүйелесе, қазіргі кезде олардың саны едәуір артып, белсенділіктері де нығая түскен. Осылайша 135 пар­тиялық бақылау бекеттеріне саяси кеңестің мүшелері, облыс­тық, аудандық және қалалық мәс­лихат депутаттары, үкіметтік емес ұйым мүшелері тартылып, құрамы 400-ден асқан. Олар бағдарламаның орындалуын бақылауға алып, өткен мерзімде оның пәрменділігіне қол жеткізілген. Мәселен, Талғар, Іле, Ескелді, Ақсу, Еңбекшіқазақ аудан­дары мен Қапшағай, Талдықорған қалаларының партиялық бақылау комиссиялары мен бақылау бекет­тері­нің жүргізген рейдтері мен тыңдаулары нәтижесінде нақты істердің тиянағы келтірілгенін көреміз. Десек те, жағдай барлық жерде осылай деуге болмайды. Қо­ғамдық тыңдау кезінде кейбір жер­лерде жұмыстың сылбыр жүргізіл­гені, құрылыс жұмыстарында отандық өнімдерді пайдаланудың жеткіліксіздігі атап көрсетілді. Партияның қоғамдық тыңдау­ын­да “Нұр Отан” халықтық-демо­кратиялық партиясы Қапшағай қалалық филиалы партиялық бақылау комиссиясының төрағасы Қ.Темірәлиев, қала әкімінің бірінші орынбасары І.Сүгіров, Іле ауданы партиялық бақылау комиссия­сы­ның төрағасы В.Ким және тағы басқалар сөйлеп, қаржыны игеру мен халықты жұмыспен қамту ба­ғытындағы алда тұрған міндеттерге тоқталды. Қай кезде де сын мен өзара сынның қажеттігі айтылды. Жиынға қатысқандар қаладағы балалар шығармашылығы орталы­ғы­ның, 20 пәтерлік тұрғын үй мен тағы басқа нысандардағы құрылыс жұ­мыстарының барысымен таны­сып, оның сапасына ден қойды. Осы­лай­ша бүгінде баршаның сұра­нысына жауап берген “Жол кар­тасы” бағдарламасына бөлінген қар­жы­ны игеру мен атқарылған жұ­мыстардың тиімділігі партиялық ба­қы­лаудың пәрмені артқанын көрсетті. Күмісжан БАЙЖАН, Алматы облысы.