Фото: Anadolu Ajansi
Келісім шарттары сақталуы тиіс
Өткен аптада Дональд Трамп енгізген жаһандық тарифтерді АҚШ Жоғарғы соты күшін жойғаннан кейін, АҚШ Президенті уақытша тарифтерді алдымен 10%, кейін 15% деңгейіне дейін көтерген еді.
Осыған жауап ретінде Еуропалық комиссия Вашингтоннан нақты түсініктеме талап етті. Комиссияның мәлімдеуінше, тараптар өткен жылғы келісімде көрсетілгендей «әділ, теңгерімді және өзара тиімді» сауда-инвестициялық қатынасты сақтауға тиіс.
Еуропалық тараптың ұстанымы анық: «Келісім жасалды – ол орындалуы керек».
Трамп АҚШ-қа импортталатын барлық тауарға 10 пайыз баж салығын енгізді
Өткен жылғы сауда келісімі бойынша көптеген еуропалық тауарларға АҚШ-тағы тариф деңгейі 15% мөлшерінде белгіленген еді. Сонымен қатар кейбір өнімдер, соның ішінде ұшақтар мен олардың қосалқы бөлшектері үшін нөлдік тариф сақталды.
Келісімнің шарты бойынша Еуропалық одақ АҚШ тауарларына енгізілген импорттық баждардың бір бөлігін алып тастап, жауап шараларын тоқтатқан еді.
Алайда жаңа тарифтік саясаттың бұрынғы келісімді алмастыруы әлі нақты анықталған жоқ. Егер АҚШ енгізген 15% тарифтер келісімнен тыс қолданылса, Еуропалық Одақ үшін қарастырылған жеңілдіктер жойылуы ықтимал. Мұндай жағдайда тіпті ең қолайлы сауда режимі қарастырылмаған елдер де дәл осы тарифке тап болады.
Еуропа экономикасына ықтимал әсер
Халықаралық сауда мониторингімен айналысатын Global Trade Alert бағалауынша, жалпы Еуропалық Одақ экономикасы 0,8%-дық тармаққа әлсіреуі мүмкін. Әсіресе Италия экономикасы қосымша тарифтік қысымға ұшырауы ықтимал – ел үшін әсер 1,7% деңгейінде бағаланып отыр.
Еуропалық тараптың пікірінше, тарифтердің болжамсыз өзгеруі әлемдік нарықтағы сенімділікті әлсіретеді. Комиссия мүшесі Марош Шефчович бұл мәселені АҚШ сауда өкілі Джеймисоном Грир және АҚШ Сауда министрі Говар Лютникпен талқылаған.
Жалпы алғанда, Брюссель Вашингтоннан тариф саясаты бойынша толық айқындық күтетінін мәлімдеді. Еуроодақ өкілдері халықаралық нарықта бәсекелестік жағдайының сақталуын маңызды деп санайды.
АҚШ өзге ғаламшарлықтар туралы құпия құжаттарды жариялауы мүмкін
