Қарағанды мен Мәскеудің майдангерлері онлайн-кездесу өткізді

ҚАРАҒАНДЫ. 13 мамыр. Қарағандыдағы Мұхтар Әуезов атындағы қалалық кітапханада «Ұмытылмас жолдар» атты тақырыппен Мәскеу кітапханасының оқырмандарымен онлайн-кездесу өтті. Нақты айтсақ, қарағандылық майдангерлер Ресей астанасындағы Орталық кітапханалар жүйесі оңтүстік әкімшілік аймағының Лев Толстой атындағы кітапханасы оқырмандарымен онлайн кездесті. Бұл туралы egemen kz тілшісі хабарлады. Шараға жергілікті соғыс ардагерлері – Николай Архангельский, Нефизя Агишева және Серафима Пономаревамен қатар, қарағандылық студенттер де қатысты. Тележүздесуде алғашқы сөз кезегі мәскеулік соғыс ардагерлеріне тиді. Олардың ортақ мерекемен құттықтауынан соң Н.Крупиной атындағы драмстудия талапкерлері Мәскеуді қорғау туралы театрландырылған қойылым көрсетті. Қарағанды кітапханасының қызметкерлері өз бағдарламалары бойынша қаланың Жеңіске қосқан үлесін баяндайтын деректерді, фотосуреттерді таныстырып, жас өнерпаздар мерекелік көңіл-күй сыйлады. Айқын Несіпбай. Дерек: egemen.kz. Сурет: ekaraganda.kz.