Фото: Depositphotos.com
Министрдің айтуынша, шешім қабылдауда жобалық менеджмент тәсілі қолданылады. Белгілі бір мәселелер бойынша қарау мерзімі 2-10 күн болып белгіленген. Егер осы уақыт ішінде нақты жауап берілмесе, онда мәселе жүйелі сипатқа ие деп танылып, Салық кодексіне өзгерістер енгізу жөніндегі жұмыс тобының талқылауына жолданады.
«Қабылданған шешімдер көп. Өзгерістерді биылғы жылдың соңында көруіміз мүмкін, ал күшіне енуі келесі жылға сәйкес келуі ықтимал», деді Серік Жұманғарин.
Оның сөзінше, бұған дейін Бюджет кодексі мен Салық кодексі арасында кейбір сәйкессіздіктер болған. Алайда нақты қандай түзетулер жөнінде сөз болып отырғанын министр тарқатып айтпады.
Бұған дейін Қасым-Жомарт Тоқаев Ұлттық құрылтай отырысында жаңа Салық кодексін жетілдіруге мүмкіндік бар екенін атап өткен еді.
Талқыланып жатқан өзгерістердің қатарында жауапкершілігі шектеулі серіктестіктер мен өзін-өзі жұмыспен қамтыған азаматтардың өзара іс-қимылын реттеу мәселесі бар. Сарапшылар бұған дейін әртүрлі ауқымдағы бизнес құрылымдар арасындағы байланыста түйткілдер кездесетінін айтқан болатын.
Салық кодексін енгізу жөніндегі жобалық кеңсе тарапынан бизнес мәселесі апта сайын қаралады
