Солтүстік Қазақстан гуманитарлық көмек жөнелтті

ПЕТРОПАВЛ. 13 мамыр. Ақмола облысында су тасқынынан зардап шеккен тұрғындарға Қызылжар өңірінен гуманитарлық жүк артылған үш көлік аттандырылды. Бұл туралы облыстық энергетика және тұрғын үй-коммуналдық басқармасы хабарлады. Мұның алдында Солтүстік Қазақстан облысы ауылдар мен үйлерді қарғын су шайып кеткен қарағандылықтарға қол ұшын созған болатын. Енді 60 тоннадан астам жүк Целиноград ауданына қарасты Ақмол елді мекеніне бет алды. «Гуманитарлық көмекті Аққайың, Қызылжар, Мамлют аудандары әзірледі. Оның құрамында Бұл 100 кило күріш, 100 кило қарақұмық, 200 кило макарон, 9 тонна ұн, 17 тонна картоп, 460 банкі консервіленген ет, тағы басқа азық-түлік өнімдері, сонымен қатар құрылыс материалдары да бар», деді энергетика және тұрғын үй-коммуналдық шаруашылық басқармасы басшысының орынбасары Аман Қабдөшев. Аққайың ауданы әкімінің орынбасары Еркін Жақыповтың айтуынша, су тасқынынан зардап шеккен қазақстандықтарға көмек беруі бірінші рет емес. Бұл жолы жерлестері беріп жіберген   1,6 миллион теңгенің гуманитарлық сәлемдемесін апара жатқан көрінеді. Өмір Есқали. Дерек: Солтүстік Қазақстан облыстық энергетика және тұрғын үй-коммуналдық басқармасы. Сурет: egemen.kz