CNN жарылыс туралы қате ақпар таратқанын мойындады

АЛМАТЫ. 14 тамыз. Америкалық CNN телекомпаниясы өзінің «Твиттер»-дегі ресми парақшасында Тяньцзиндегі (Қытай) жарылысқа байланысты қате таратқан хабарын түзегені туралы жариялады. Бұл туралы синьхуа хабарлады. Онда Қытайдың ресми өкілдері телекомпания тілшісі Уилл Риплидің жарылыс туралы тікелей жүргізіп жатқан хабарын үзіп жіберді делінген. CNN-нің  түзетуінде – тілшінің репортажын ресми билік өкілдері емес, қайтыс болғандар мен зардап шеккендердің жақындары тоқтатуға мәжбүр болғаны қайта хабарланды. Алайда, телекомпанияның мәселенің мәніне жетпей таратып жіберген хабарынан кейін әлеуметтік желілерде Қытай билігіне сын айтқандар саны күрт көбейіп кеткен еді. Дегенмен, өрескел қатесін түзеген америкалық телеарнаның, ол үшін Қытай билігінен кешірім сұрамағаны да жұрттың назарында қалды. Талғат Сүйінбай. Дерек:синьхуа. Сурет: Reuters.