Qazaq Air авиакомпаниясы билетінің құны белгілі болды

АЛМАТЫ. 14 тамыз. Qazaq Air авиакомпаниясының жолаушылар ұшағы бірінші сапарын 27 тамыз күні Алматыдан Астанаға ұшудан бастайды.Бұл туралы tengrinews.kz хабарлады. Екі аралықтағы билеттің құны бір бағытқа 10 495 теңге. Жолаушылар тасымалдайтын әуе лайнері екі қаланың арасында күн сайын ұшады. Сондай-ақ – аптасына үш рет (дүйсенбі, сәрсенбі, жұма) Алматы – Павлодар (10916 теңге), аптасына 4 рет (дүйсенбі, сейсенбі, сенбі, жексенбі)Алматы – Шымкент (10495 теңге) рейсі бойынша ұшады. Шымкенттен Павлодарға аптасына екі күн (сейсенбі, жексенбі) –билет бағасы бір бағытқа 141857 теңге,  Шымкенттен Қызылордаға да аптасына екі рет –дүйсенбі, сейсенбі күндері рейске шығады. Бұл бағыттағы билет бағасы бір бағытқа 8556 теңге тұрады. Билеттерді бүгіннен бастап – flyqazaq.com сайты арқылы немесе авиакассалардан сатып алуға болады. Жоспарда – Алматы – Қостанай, Шымкент – Ақтөбе, Ақтөбе – Қостанай, Ақтөбе – Атырау бағыттарына рейс ашу көзделіп отыр. Талғат Сүйінбай. Дерек, сурет: tengrinews.kz.