Фото: Шымкент әкімдігі
Мемлекеттік қызмет істері агенттігі аталған дерек бойынша тәртіптік іс қозғалғанын растады. Ведомство өкілдерінің мәліметінше, қазіргі уақытта қызметтік тексеріс жүргізіліп жатыр.
Агенттіктің жергілікті мемлекеттік органдар қызметін бақылау басқармасының басшысы Жасұлан Тулаков бұл мәселе Әдеп жөніндегі комиссия отырысында қаралатынын айтты. Оның сөзінше, комиссия шенеуніктің әрекетіне құқықтық баға беріп, тәртіптік құқықбұзушылықтың бар-жоғын анықтайды.
Астанада полицей телефонға жауап бермегені үшін бастығын соққыға жықты
Сондай-ақ қолданыстағы ережелерге сәйкес, мемлекеттік қызметкердің тәртіптік жауапкершілігі, қолданылатын жаза түрі және өзге де мәселелер дәл осы комиссия отырысында шешіледі.
Айта кетейік, бұған дейін Шымкент әкімдігі бейнежазба жарияланғаннан кейін қызметтік тексеріс басталғанын хабарлап, оның қорытындысы шықпай тұрып асығыс пікір білдірмеуге шақырған еді. Оқиға бойынша соңғы шешімді Мемлекеттік қызмет істері агенттігінің Әдеп жөніндегі комиссиясы қабылдайды.
