Ақтөбеде жемқорлыққа қарсы байқау қорытындыланды

АҚТӨБЕ. 26 ақпан. Ақтөбе қалалық көркемсурет лицейінде жас суретшілер арасында ұйымдастырылған «Жемқорлық – індет, күресу – міндет» байқауының жеңімпаздарын марапаттау рәсімі өтті. Бұл туралы egemen.kz тілшісі хабарлады. Мемлекеттік қызмет істері және сыбайлас жемқорлыққа қарсы іс-қимыл агенттігі Ақтөбе облысы бойынша департаментінің ұйтқы болуымен өткізілген шараның мақсаты – өскелең ұрпақтың сыбайлас жемқорлыққа қарсы көзқарасын және құқықтық мәдениетін қалыптастыру болып табылады. Байқауға қала оқушылары атынан 50-ден астам жұмыс түскен. Ұйымдастырушылар солардың ішінен тақырыпқа сай және ерекше көркем жасалған дүниелерге таңдау жасаған. Байқаудың бас жүлдесін Евангелина Терещенко жеңіп алды. Бірінші орынға Сияхан Ашықова лайық деп танылды. Ал одан кейінгі жүлделі орындарды Данияр Кәукеев, Жәмилә Сатыбаева, Ақжайна Қаржаубаева, Нұртілек Елеусіновтер өзара бөлісті. Сондай-ақ, өзіндік сурет салу ерекшелігімен көзге түскен Мерей Тұрабаева, Ғалымжан Сәмет, Таңсу Ордабаева, Кәмшат Жұмабаева арнайы аталымдар бойынша марапатталды. Сатбалды Сәуірбай. Дерек: egemen.kz. Сурет: bolashak.kz.