Орталық Азия елдерінің Қытай капиталындағы мемлекеттік қарызының үлесі:
- Қырғызстан – 30,5%;
- Тәжікстан – 16,1%;
- Түрікменстан – 13,4%;
- Өзбекстан – 7,5%;
- Қазақстан – 3,6%.
Халықаралық валюта қоры мен Дүниежүзілік банк деректеріне негізделген жиынтық бағалауға сәйкес, Қырғызстан мен Тәжікстан Қытай алдындағы жоғары қарыздық тәуелділік аймағына жақындап қалған.
Қазақстан мен Қытай контейнерлік пойыздар санын арттыруға келісті
Бұл несиелер, негізінен стратегиялық маңызы бар инфрақұрылымдық жобаларға, энергетика, жолдар мен көпірлер құрылысына бағытталған. Дегенмен, Қытай бұл өңірге дәстүрлі кредитор ретінде ғана емес, жүйелі инвестор ретінде еніп отырғанын ескерген жөн. Бұл ретте Қытай белгілі елге қаржы бөледі, жобаларды өзі жүзеге асырады және көп жағдайда кейін оларды өзі басқарып, қызмет көрсетеді.
Қысқа мерзімде мұндай модель айқын экономикалық пайда әкелгенімен, ұзақ мерзімді перспективада тәуелділік тәуекелін күшейтуі мүмкін.
Осы тұрғыда Қазақстанның жағдайы өзгеше көрінеді. Елдің қарыз құрылымындағы қытайлық капитал үлесі аймақтағы орташа деңгейден әлдеқайда төмен. Бұл экономикалық қадам жасау мүмкіндігінің кеңдігін және саяси тәуекелдердің салыстырмалы түрде төмен екенін білдіреді.
Ұлытау облысының әкімдігі Қытайда өңіраралық ынтымақтастық орнатты
Сонымен қатар Қазақстанда жобалар бойынша әртараптандыру деңгейі де жоғары. Қытай капиталы экономиканың стратегиялық секторларында шоғырланбаған.
