ӨСКЕМЕН. 26 ақпан. Оңтүстік Қазақстан облысының құрметті азаматы К.Түлеметованы еске алуға арналған халықаралық турнирде шығысқазақстандық волейболшылар 1 орынға ие болды. Бұл туралы egemen.kz тілшісі хабарлады.
Ағымдағы жылдың 18-21 ақпан аралығында Шымкент қаласында өткен бәсекеге еліміздің барлық облысы мен Астана және Алматы қалаларының командалары қатысқан болатын.
1998-1999 жылдары туған жасөспірімдер арасында өткен жарыс нәтижесінде Шығыс Қазақстан облысының құрама командасы үздік нәтиже көрсетіп, 1 орынды жеңіп алды. Ал 2 орынға жарыс иелері, 3 орынға Астана қаласының волейболшылары, 4 орынға Талдықорған қаласының ойыншылары тұрақтады.
«Осы орайда облыс құрамасының өкілдері мен жаттықтырушылары қатарындағы Шығыс Қазақстан гуманитарлық колледжінің директоры Н.Аскетаев, бөлім меңгерушісі Б.Даумов, денешынықтыру пәнінің оқытушысы С.Бекбосыновтың өңір волейболын дамытуға қосқан үлесі мен еңбегін атап өткен орынды», – дейді облыстық білім басқармасының баспасөз қызметі.
Думан Анаш.
Дерек: egemen.kz.
Сурет: ШҚО білім басқармасының баспасөз қызметі.
