Белсенділік арта түсуде

Қолымыздағы деректер бойын­ша облыста мүлікті жария ету белсенді сипат ала түсуде. Мәселен, биылғы 11 наурызға дейін жергілікті мемлекеттік комис­сияның қарауына 519 өтініш келіп түскен. Оның 332-і тұрғын үй және 615-і тұрғын үйге жатпайтын нысандар болса, соңғысының 234-і коммерциялық ғимараттарды қамтиды. Аталған жылжымайтын мүліктердің жалпы құны 4,8 миллиард теңгені құрайды. Қазіргі күні 235 өтініш қа­нағат­тандырылып, 1,9 миллиард теңгенің 555 нысаны жария етілді. Тұрғындар өтінішін аймақ­тарға бөліп қарастырсақ, Цели­ноград (170) және Бурабай (79) аудандарында, сондай-ақ, облыс орталығы Көкшетау қаласында (147) белсенділік жоғары екен­дігін байқауға болады. Облыс тұрғындарынан Қазақстаннан тыс жерлердегі жылжымайтын мүліктер мен ақшалай қаражатын жария ету ету жөнінде өтініш тіркелмеген. Өңірде мүлікті жария ету фактісі соңғы уақытта екпін ала түскен. Мәселен, науқан басталған алғашқы төрт айда 300 өтініш қабылданса, соңғы екі айда, яғни 13 қаңтар мен 11 наурыз аралығында оның саны 200-ден асып отыр. Мемлекеттік кіріс жөніндегі об­лыстық департаменттің өнді­рістік емес төлемдер бөлімінің басшысы Гүлнара Балабаеваның айтуын­ша, капиталды жария ету қарқынының артуын қолға алынған акция шарттарының тиімділігі мен кешірім шараларының қолай­лылығымен байланыстыруға болады. Бақберген АМАЛБЕК, «Егемен Қазақстан». Ақмола облысы.