Еліміздің жас суретшісі өнерімен Дубай шейхін таңғалдырды

АСТАНА. 27 наурыз. Ақтөбе облысы Хромтау қаласында тұратын жас суретші Серіктай Марсель Art Dubai халықаралық көрмесіне қатысып, жұртшылықты өз өнерімен байрап алды. Бұл туралы vaktobe.kz хабарлады. Халықаралық байқауда қатысушылар жас ерекшеліктеріне қарай топ-топқа бөлініп сайысқан. Ал Серіктай қазылапр алқасынының ұйғарымымен жалпы топта өз өнерін ұсынған. Фестиваль-байқауда 2 кезең белгіленді. Онда бірінші кезең ұпай жүйесі бойынша бағаланған. Ал екінші кезеңде қатысушыларға бастапқы әсерлерін қағазға түсіру үшін 2 сағат уақыт бөлінген. Осы аралықта Марсель 2 картина салған. Оның шеберлігіне таңғалған Дубай шейхі суретші басланы өзіне қонаққа шақырған. Кейін шейх Серіктайға Марсельге екі тілдегі энциклопедияны сыйлаған. Айта кетейік, көрмеге-байқауға қатысқан жас суретшілердің жол шығынына, жатын орнына және ас-ауқаьына кететін қаржыны шейхтің өзі төлепті. Бірақ оның есесіне өнерпаздар салған еңбектерді шейх алып қалады. Жолдыбай Базар. Дерек, сурет: vaktobe.kz.