Фото: Оқу-ағарту министрлігі
Жүлдегерлерді марапаттау рәсіміне Оқу-ағарту министрі Жұлдыз Сүлейменова қатысып, жас спортшыларға ізгі тілегін білдірді. Шараға сондай-ақ Қазақстан футбол федерациясының президенті Марат Омаров та қатысты.
Министр өз сөзінде «Келешек мектептері» жобасының Мемлекет басшысы Қасым-Жомарт Тоқаевтың тапсырмасымен жүзеге асқан маңызды бастама екенін атап өтті.
«Бұл жоба – ел болашағына бағытталған ерекше қадам. Мемлекет басшысы сіздерге үлкен сенім артады. Бүгінгі жеңімпаздарды шын жүректен құттықтаймын. Турнир оқушыларды біріктіріп, достықты нығайтып, командалық рухты қалыптастыруға ықпал етті», деді Жұлдыз Сүлейменова.
Оқу-ағарту министрлігінің мәліметінше, жарыстың негізгі мақсаты – мектеп спортының деңгейін көтеру, салауатты өмір салтын насихаттау және оқушылар үшін қолжетімді спорттық орта қалыптастыру. Үш күнге созылған додаға еліміздің әр өңірінен келген 20 команда қатысты.
Турнир қорытындысы бойынша Астана қаласының командасы чемпион атанды. Екінші орынды Қызылордадағы «Келешек мектебінің» командасы иеленсе, Түркістан құрамасы үздік үштікті түйіндеді.
Сонымен қатар жарыс барысында оқушылар «Үздік қақпашы», «Үздік шабуылшы», «Үздік сұрмерген» аталымдары бойынша марапатталды. Жас спортшыларды тәрбиелеп жүрген жаттықтырушылардың еңбегі де назардан тыс қалған жоқ.
«Келешек мектептері»: Елімізде 217 заманауи білім ошағы ашылды
Осылайша, «Келешек мектептері» аясындағы турнир жасөспірімдер спортына серпін беріп, ел өңірлерінен келген оқушылардың өзара тәжірибе алмасуына мүмкіндік жасады.
