Продюсер бұл қадамды актрисаның қазақ өнеріне қосқан зор үлесі мен «Қыз Жібек» фильміндегі аңызға айналған рөліне құрмет ретінде жасағанын айтты. Сонымен қатар ол актрисаға арнап байқау өткізуді жоспарлап отыр.
Баян Алагөзова өзінде сақтаулы тұрған «Қыз Жібек» фильміндегі камзол туралы да айтты. Оның сөзінше, тарихи киім қазіргі таңда қауіпсіз жерде сақтаулы және болашақта музейге тапсырылуы мүмкін.
Сондай-ақ ол елдегі аға буын өнер адамдарының еңбегі ескерусіз қалмауы керегін айтып, кәсіпкерлер мен меценаттарды танымал тұлғаларға қолдау көрсетуге шақырды.
