Қазалыдағы «Өркен» қожалығының ісі өрге басып келеді

ҚЫЗЫЛОРДА. 27 ақпан. Қызылорда облысы Қазалы ауданында өз кәсібін дөңгелетіп отырған азамат тұрады. Бұл туралы egemen.kz тілшісі хабарлады. Аудандағы Қарашеңгел ауылдық округіндегі «Өркен» шаруа қожалығының басшысы Өркен Оңғаров 2007 жылы жеке кәсібін бастады. Бүгінде барлық жер көлемі 200 гектарды құрайтын қожалықтың негізгі бағыты ірі қара мал шаруашылығын дамыту. Өткен жылы «Сыбаға» бағдарламасы бойынша «ҚазАгро» несие корпорациясы арқылы 6 млн. теңге алып, Арал ауданы, Ақбасты ауылынан қазақы ақ басты 2 бұқа және аудан көлемінен 32 бас аналық сиыр алды. Қазіргі күні бұл жұмыстар өз нәтижесін беруде. Айта кетейік, ол қазіргі таңда Құмжиек ауылдық округіндегі №92 мектепте ән-әуез пәнінен сабақ бере жүріп, мал шаруашылығын дамытуға өз үлесін қосып келеді. – Алдағы уақытта ауыл өмірін бұдан да жандандырып, жергілікті азаматтарды жұмыспен қамтысам деген жоспарларым бар, – дейді қожалық басшысы. Еламан Қоңыр. Дерек, сурет: egemen.kz.