• 28 Наурыз, 2015

Маңғыстауда айдаладан адам денесінің қалдықтары табылды

1 мин

оқу үшін

Egemen Qazaqstan

АҚТАУ. 28 наурыз. Маңғыстау облысы Түпқараған ауданы Таушық ауылынан 15 шақырым қашықтықтан ауыл малшылары адам денесінің қалдықтарын тапты. Бұл туралы lada.kz хабарлады. Мүрденің тек қолы мен аяғы ғана қалған, ал денесін, басын белгісіз аң-құстар жеп тастаған. Оқиға орнына келген құқыққорғау органдарының шұғыл-іздестіру тобы мүрде қалдықтары жатқан жерден 20-30 шақырым қашықтықтан адам сүйектері мен киімдерін тапқан. Полицейлер мүрдені бұдан біраз уақыт бұрын үйінен шығып кетіп, хабар-ошарсыз жоғалып кеткен Түпқараған ауданындағы Баутино ауылының 50 жастағы тұрғыны деп отыр және оның денесін туған інісі де таныған. Оның өлімі туралы нақты ұйғарым әзірге жоқ, бірақ туыстары оған қаңғыбас иттер шабуыл жасап, ол одан қорғана алмаған дегенді айтып отыр. Гүлайым Шынтемірқызы. Дерек, сурет: lada.kz.