«Мектепке жол» акциясы: Білім ұяларының әзірлігі қандай?

Оқу жылы басталар алдында облыс әкімі Бейбіт Атам­құлов аймақтың жаңа оқу жы­лына дайындығы мен оқу­лық­пен қамтамасыз ету мәселесі бойынша жиын өткізіп, атқа­рылған жұмыстарды пысықтады. Аудан, қала әкімдері қатысқан жиында күн тәртібіне қойылған мәселе бойынша облыс әкімінің орынбасары Ерлан Айтаханов баяндама жасады. Балабақша саны облыста 1454-ке жетіп, онда 157780 бала тәрбиеленуде. Басқа өңірдей емес оңтүстікте бала саны көп болғандықтан балабақшалар жетісе бермейді. Сондық­тан, мемлекеттік мекемелерден бө­лек жекеменшік балабақшалар­ға қатты көңіл бөлінген. Соның нәтижесінде мемлекет­тік-жекеменшік әріптестікте 647 балабақша іске қосылды. Осындай жақсы жұмыстардың нәтижесінде 3-6 жастағы балаларды балабақшамен қамту 78,3 пайызға жетті. Былтырғы оқу жылында 1022 мектепте 562621 оқушы білім алып, ҰБТ-ға мектеп ­бітіру­­­­ші­лердің 69,8 пайызы қатысқан. Облыстың орта баллы өткен жылдан 4,2 баллға көте­ріліп, 78,7 баллды құрады. Ал, «Алтын белгіге» 608 түлек ие болып, өткен жылмен са­лыстыр­ғанда 172 түлекке артқан. – Бұл республикадағы «Алтын белгі» иегерлерінің 30 пайызын құрайды, – деді Ерлан Айтаханов. Бұдан кейін білім беру ұйым­дарының құрылысы мен жөндеу жұмыстары баяндалды. Білім мекемелерінің қысқы жылыту маусымына дайындығы жөнінде ақпар берген облыс әкімінің орынбасары 1479 білім беретін мекемелердің жылу жүйелеріне қысымдау-сығымдау жұмыстары 94 пайызға атқарылғандығын, қажетті қатты отынның 72 пайызы, сұйық отынның 80 пайызы тасымалданғандығын, табиғи газбен жылытылатын 355 білім мекемелері газ тасымалдаушы мекемелермен келісімшарттар түзгендігін айтып өтті. Биыл Оңтүстіктегі 1022 мек­­­­­тепте 562621 оқушы білім алады. Мектеп оқушыларын оқу­лықпен қамту жұмыстары кезең-кезеңімен атқарылып жатыр.Баспалармен келісімшарт түзілген. Бақтияр ТАЙЖАН, «Егемен Қазақстан». Оңтүстік Қазақстан облысы.