ПЕТРОПАВЛ. 29 маусым. Солтүстік Қазақстан облысына Қытай Халық Республикасының делегациясы жұмыс сапармен келіп, астық сатып алуға уағдаласты. Бұл туралы облыстық әкімдіктің баспасөз қызметі хабарлады.
Құрамында Боро-Тала-Монгол автономиялық облысы сауда-саттық қатынасы бөлімінің басшысы Хао Кинджи, «Алашанькоу» еркін экономикалық аймағына жауапты Ванг Йонг, «Алашанькоу Агрофуд» компаниясының өкілі Ванг Ксинчунь бар делегацияны Боро-Тала –Монгол автономиялық облысы әкімшілік басшысының орынбасары Чен Хонг бастап келді.
Ресми кездесу барысында облыс әкімі Ерік Сұлтанов мәртебелі қонақтарды өңірдің әлеуметтк-экономикалық даму көрсеткіштерімен таныстырды. Биыл облыс пен Қытай арасындағы сауда айналымы 12,4 миллион АҚШ долларын құраған. Бұл – алыс және жақын мемлекеттер сауда айналымының бестен бірі деген сөз.
«Облыс экологиялық жағынан таза өнімдер шығарады. Біз сіздерге мал шаруашылығымен айналысуға да жан-жақты мүмкіндіктер тудыра аламыз», деді Ерік Хамзаұлы.
Чен Хонгөз сөзінде ұзақ мерзімге арналған экономикалық қарым-қатынастар жасауға мүдделі екендіктерін мәлімдеді.
Жылы шырайлы жүздесуден кейін екі тарапа стық пен ауыл шаруашылығы техникаларын жеткізу, тауар айналымын кеңейту туралы меморандумға қол қойды.
Өмір Есқали.
Дерек, сурет: Солтүстік Қазақстан облыстық әкімдігінің баспасөз қызметі.
