Қарағандылық акробаттар алтын, күміс және қола алды

ҚАРАҒАНДЫ. 19 тамыз. Қарағанды облыстық балалар мен жасөспірімдер спорт мектебінің гимнасшылары спорттық акробатикадан өткен халықаралық «Кубок Волкова» турнирінде сәтті өнер көрсетті. Бұл туралы облыстық дене шынықтыру және спорт басқармасының баспасөз қызметі хабарлады. Ресейдің Великий Новгород қаласында өткен бұл жарысқа тоғыз елдің 138 спортшысы қатысқан болатын. Ел құрамасының сапында өнер көрсеткен қарағандылық гимнасшылар тамаша табысқа қол жеткізді. Атап айтқанда, аралас жұптар арасында Никита Амоскин мен Анастасия Долганюк алтын жүлдеге ие болды. Қыздар арасындағы топтық сында Катя Петришина, Александра Балагутина және Алена Киселева күміс жүлдеге қол жеткізді. Ал қыздар арасындағы жұптасып өнер көрсетуде Аруана Жүнісова мен Гауһар Төлебаева қола жүлдені қанағат тұтты. Бұл турнирге спортшыларды хореограф Ирина Балагутина, жаттықтырушылар  Ирина Загриценко және Ботагөз Байбакушева дайындаған. Қайрат Әбілдинов. Дерек, сурет: Қарағанды облыстық дене шынықтыру және спорт басқармасының баспасөз қызметі.