Англияның белгілі футбол клубтары қарызға батуда

АСТАНА. 29 наурыз. Ағылшын премьер-лигасының маңдайалды футбол командалары миллиондаған қарызға батуда. Бүгінде «Манчестер Юнайтедтің» қарызы 342 миллион фунт стерлингке жеткен. Ал «Арсенал» 241 миллион фунт стерлинг қарыздан қалай құтыларын білмей отыр. Бұл туралы sovsport.ru хабарлады. «МЮ» осыдан 10 жыл бұрын алған қомақты қарызының себебіне осындай келеңсіздікке тап болды. 2005 жылы клуб қожайындары ағайынды Глейзерлер команданы одан әрі дамыту мақсатында қарыз алған. Бірақ, онысын дер кезінде төлей алмаған. Ал «Арсенал» жаңа стадионның құрылысы үшін алған қарызын қайтара алмай отыр. Айта кетейік, бұған дейін Лондонның «Челсиі» де қарыздан құтылудың жолын таба алмай қиналып отырғаны белгілі болған. Бүгінде клуб қазіргі қожайыны Роман Абрамовичке 958 миллион фунт стерлинг қарыз екен. Еламан Қоңыр. Дерек: sovsport.ru. Сурет: deliknews.com.