Талдықорғанда 16 қабатты қонақүй салынады

Талдықорғанда әлемдік стандартқа сай келетін 16 қабатты қонақүй кешенінің алғашқы қазығын Алматы облысының әкімі Амандық Баталов қақты. Бұл нысанның бір артықшылығы «Falcon-petroleum» компаниясы мемлекеттің ешқандай қатынасынсыз құрылыс жұмысын жүргізеді. Небәрі 8 айда барлық жұмысын аяқтап, бес жұлдызды ғаламат қонақүйді пайдалануға береді. Осы мағлұматты компания өкілі мәлім ете тұрып, тәжірибелі құрылысшыларға тән кәсіби тілмен елдің алдында облыс әкіміне уәде үде­сінен шығатындығын ай­тып сендірді. Екі гектар жер­де орналасатын қонақүй ке­шенінде 14 жоғары сапалы (люкс), 54 стандартты бө­л­мелер қарастырылған. Соны­мен қатар, мейрамхана, сал­танат және мәжіліс залдары, көркемдік пен сән са­лон­дары, оның сыртында 16-қа­батта Жетісудың кіндік қа­ла­сы алақандағыдай болып көрі­нетін демалыс орны да болады. Тұтастай алғанда, Тал­ды­қорғанның оңтүстік-батыс шағын ауданында таяу уақытта 121 көпқабатты үйлер, оқу­шылар сарайы, драма театры, неке қию залы секілді бір­қа­тар әлеуметтік нысандар бой көтеретін болады. Нұрбол ӘЛДІБАЕВ, «Егемен Қазақстан». ТАЛДЫҚОРҒАН.