Қызылорда облысында заңсыз жүрген 4134 адам анықталды

ҚЫЗЫЛОРДА. 19 тамыз. Қызылорда облыстық ішкі істер департаменті көші-қон полициясы құрылымдарының қызметкерлері шетелдіктердің құқықтарын сақтай отырып, олар тарапынан орын алған заң бұзушылықтарды дер кезінде анықтап, тиісті шара көру мақсатында біршама нәтижелі жұмыстар атқаруда. Бұл туралы egemen.kz тілшісі хабарлады. Жалпы жыл басынан бері облыс аумағына түрлі мақсаттармен келген 21331 шетел азаматы уақытша тіркеуге алынды. Шетелдіктердің Қазақстан Республикасында болу, келу-кету ережелерін сақтау жағдайына жүргізілген арнайы шолу барысында көші-қон заңнамасын бұзудың 4134 дерегі анықталып, олардың барлығы әкімшілік жауапкершілікке тартылды. Заңнама талаптарын бұзған ТМД елдерінің 248 азаматы сот шешімімен республика аумағынан аластатылды. Аталған жұмыстар әрі қарай өз жалғасын тауып, шетел азаматтарымен орын алатын заңнама талаптарын орындамау деректерінің алдын алу мақсатында тиісті түсіндірме жұмыстары жүргізілетін болады. Ержан Байтілес. Дерек: egemen.kz. Сурет: ҚазАқпарат.