Ресейде қараусыз қалған молалар қайта қазылуы мүмкін

АСТАНА. 30 наурыз. Ресейдің Құрылыс және тұрғын үй коммуналдық шаруашылығы министрлігі қараусыз қалған молаларды қайта пайдалану туралы заң жобасын дайындады. Бұл туралы gazeta.ru хабарлады. Жаңа заң жобасына сәйкес Ресейдің әр өңірінде арнайы комиссия құрылып, қараусыз қалған молаларды анықтайды. Кейін оларды қайта қазып, сүйектерді крематорийде өртемек. Заң жобасын дайындағандар қалдықтарды ешкімге қажетсіз адам сүйегінің күлдері сақталатын орынға қоюды ұйғарыпты. Ал босаған жерді қайтадан адам жерлеу үшін пайдаланбақ. Қазіргі таңда Ресей аумағында қараусыз қалған молалар 18-25 мың га. жерді алып жатыр екен. Министрлік қараусыз қалғандар санатына жерленген марқұм туралы және сол зиратқа жауапты адам жайында ешқандай мәлімет жоқ молаларды жатқызып отыр. Еламан Қоңыр. Дерек: gazeta.ru. Сурет: news.ngs.ru.