Атырауда ретросаябақ құрылысы басталды

АТЫРАУ. 30 наурыз. Атырау қаласында ретросаябақтың құрылысы басталды. Бұл туралы egemen.kz тілішісі хабарлады. Жайық өзенінің жағасына таяу аумақтан бой көтеретін ретросаябақ құрылысы Атырау қалалық әкімдігіне қарасты құрылыс бөлімінің тапсырысымен қолға алынуда. Оның құрылысын жүргізетін мердігерлікке «АЛЕМ Констракшн Груп» серіктестігі таңдалып отыр. Бұл жобаны «Теңізшевройл» бірлескен кәсіпорны «Игілік» бағдарламасы аясында қаржыландыруды көздепті. Қазір мердігер кәсіпорынның 25 құрылысшысы кафе мен павильонның іргетасын қалауды бастады. Жоба бойынша аумағы 3,5 гектарды құрайтын ретросаябақ 2017 жылдың қаңтарында  пайдалануға беріледі деп жоспарлануда. Жолдасбек Шөпеғұл. Дерек, сурет: egemen.kz.