Ақтөбеде көп балалы аналар марапатталды

АҚТӨБЕ. 30 маусым. Ақтөбеде көп балалы аналарға «Алтын алқа» және «Күміс алқа» тапсыру рәсімі өтті. Бұл туралы egemen.kz тілшісі хабарлады. Салтанатты жиында аналарды Ақтөбе қаласы әкімінің орынбасары Айгүл Арынғазиева құттықтады. Оның мәлімдеуінше, соңғы жылдары қаламыздағы көп балалы аналардың қатары көбейе түскен. Қазіргі таңда облыс орталығында 6 106 көп балалы ана тұрады. Оның 1 282-сі – «Алтын алқа», 1 516-сы – «Күміс алқа», 289-ы – «Батыр ана» және 341-і I, II, III дәрежелі «Ана даңқы» орденінің иегері.  Сондай-ақ, төрт және одан да көп балалы отбасылардың саны 2 678-ді құрайды. Қала әкімінің орынбасары Айнүл Арынғазиева бір топ аналардың кеуделеріне алтын және күміс алқаларды тағып, шаһар басшысының атынан арнайы сыйлықтармен марапаттады. Сатыбалды Сәуірбай. Дерек, сурет: egemen.kz.