Павлодарда «Жаңашыл ұстаз» байқауының жеңімпазы анықталды

ПАВЛОДАР. 30 маусым. Астанадағы «ZIAT» ғылыми – әдістемелік орталығының ұйымдастыруымен өткен байқауға еліміздің барлық өңірлерінен жоғары оқу орындарының оқытушылары қатысты. Бұл туралы egemen.kz тілшісі хабарлады. Байқауда Сұлтанмахмұт Торайғыров атындағы мемлекеттік университеттің география, туризм кафедрасының оқытушысы Гүлмаржан Қасенова «Презентациялар және олардың оқу процессіндегі рөлі» номинациясы бойынша жұмысын таныстырған болатын. Жоғары білім беру жүйесіндегі ақпараттық технологиялардың әдістемелік жұмысын, студенттердің білім беру стандарттарының талаптарына сай қазіргі заманғы ақпараттық-коммуникациялық технологияларды игергендерін жеткізді. Болашақта туризм саласында қызмет жасайтын студенттердің ізденістерін, жаңашылдықтарын арнайы бейнесюжттер арқылы таныстырды. Байқаудың басты мақсаты – заман талабына сай білім беруде жаңашыл, шығармашылықпен жұмыс істеп, оқытудың озық технологиялары мен инновациялық әдістерді сабақ үрдісінде тиімді пайдалана алатын білігі мен білімі жоғары ұлағатты ұстаздардың тәжірибесін кеңінен насихаттау. Фарида Бықай. Дерек, сурет: egemen.kz