Павлодарда «Шығыс» кеніші 6 техника сатып алды

ПАВЛОДАР. 30 маусым. Еуразиялық тобының (ERG) құрамына кіретін «Еуроазиаттық энергетикалық корпорациясы» АҚ «Шығыс» кенішінің техникалық паркі жаңа заманауи құрал-жабдықтар, көліктермен толықтырылуда. Бұл туралы egemen.kz тілшісі хабарлады. Кеніш мамандарының айтуынша, «Евро-5» экологиялық стандарты бар КаМАЗ-43118 шасси негізінде АЦПТ-9,5 деген екі автоцистерна сатып алынды. Бұл ғажайып көліктер кеніш ішінде жолы қиын жерлерде жүре алады. Жұмысшыларға уақытылы ауыз суын жеткізіп береді. Сонымен қатар, өндірістік мақсаттарға арналған кеніштің мамандарына арналған «ВАЗ 212140» екі автомобиль және «Toyota 62-8FD 20» маркалы екі жүк артқыш көлік сатып алынды. Тиегіштер қойма ішінде пайдаланылады. Бұл көліктерге үнемдейтін дизель қозғалтқыштар орнатылған. Техниканың жүк көтергіштігі 2,5 тонна. Фарида Бықай. Дерек, сурет: egemen.kz