АЛАУ ЭСТАФЕТАСЫ ӨҢІРЛЕР АРҚЫЛЫ ӨТЕДІ

VІІ Қысқы Азия ойындары­ның Қазақстанда өтуін қалың жұрт­шылық тағатсыздана күтіп отыр. Еліміздің абыройын асқақ­татып, мәртебесін көтеретін до­далы бәсеке өзіндік ерекше­лік­терге толы болмақ. Солардың бірі – Азия ойындарының тари­хында тұңғыш рет Алау эста­фе­тасының жалғасатыны. Облыс әкімінің бірінші орынбасары Самат Ескендіров VІІ Қысқы Азия ойындарының Алау эста­фе­тасын ұйымдастыру және өткізу жөніндегі жұмыс тобының мү­шелерімен кездесіп, өңірі­міз­дегі дайындық барысымен та­ныстырды. Алау 11 қаңтарда Эль-Кувейт қаласында театрландырылған көрініс кезінде тұтатылып, қа­зақстандық Ұйымдастыру коми­те­тіне тапсырылады. Оны Алма­тының әуежайында салтанатты түрде қарсы алған соң эстафета 11—30 қаңтар аралығында облыс орталықтарын аралайды. Самат Сапарбекұлы алаудың Қызылжар өңіріне 20 қаңтарда жеткізіле­тінін, соған орай мерекені жо­ғары деңгейде өткізудің барлық жолдары қарастырылып жатқа­нын айтты. Алауды алып жүрудің маршрут кестесі жасалған. Мәре М. Қозыбаев атындағы Солтүстік Қазақстан мемлекеттік универ­ситеті алдындағы М. Жұмабаев­тың ескерткішінен басталып, бел­гілі спортшылар, саясаткер­лер, депутаттар, кәсіпкерлер ор­талық көшелерді, көрікті жер­лерді жүгіріп өтіп, Қарасай және Ағынтай батырлардың ескерт­кі­шіне тоқтайды. Алау эстафетасы барлық іс-шаралардан кейін көкшетаулықтарға табыс етіледі. Эстафета өзінің мәресіне 30 қаң­тар күні елордадағы “Астана-Арена” стадионында Азия ойын­дарының ашылу сәтінде жетеді. Осылайша, қызылжарлықтар да VІІ Қысқы Азия ойында­ры­ның Алау эстафетасын тама­ша­лауға мүмкіндік алып отыр. Өмір ЕСҚАЛИ, Солтүстік Қазақстан облысы.