Халықаралық ұйым өкілдері бас қосты

Астанада «Қазақстан мектептерінде ресурс­тарды пайдаланудың тиімділігін арттыру сая­сатына шолу» атты конференция өтті. Оған Қазақстан Республикасы Білім және ғылым министрлігі, Экономикалық ынтымақтастық және даму  ұйымы мен Дүниежүзілік банктің өкілдері қатысты. Аталған конференцияда мектеп жүйесін қаржыландыру, мектеп желісін ұйымдастыру, мұғалімдер мен директорларды дайындау, сондай-ақ, мектеп пен оқушыларға қолдау көрсету мәселелері талқыланды. Жоба бойынша негізгі қорытындылар мен ұсыныстарды ЭЫДҰ-ның бас сарапшысы, жоба үйлес­тірушісі Пауло Сантьяго таныс­тырды. Қазіргі уақытта «Мек­теп­терде ресурстарды қол­данудың тиімділігін  арттыру саясатына шолу» зерттеуі 15 мемлекетте жүзеге асып жатыр. 2 жылға созылған зерттеу бағдарламасы ең бірінші болып Қазақстанда аяқталды. Экономикалық ынты­мақ­тас­тық және даму ұйымы мен Дү­­­­ниежүзілік банктің сарапшылары талдау және қар­­жы­ландырудың ағымдағы жағ­­дайын қайта қарау арқылы мәсе­лелерді шешудің жолда­ры туралы, кадрларды жә­не мектеп қызметін даярлау жайлы ұсыныстар берді. Кон­ференция қорытындысы бойын­ша стра­тегиялық құжат­тар осы ұсы­ныстар іске асыры­лады деген мақсатпен бекітілді. Динара ДОСПАН.