29 жастағы Құралай 8 баланың анасы

Үшемнің салмақтары да шамалас, 2,5 килодан. Олардың анасы, Қазығұрт ауданының тумасы Құралай Тағаева бүған дейін бес перзенттің анасы еді. Бір қызығы, үшемнің алдында егіз қыздарды дүниеге әкелген екен. Әлі отызға да жетпеген қай­ратты келіншектің үйінде үйел­мелі-сүйелмелі жеті қыз, бір алтын айдарлы ұл өсіп жатыр. Дүниеге өз денеңнен кесіп бер­гендей перзент әкелу оңай емес. Ал, үшемнің жөні бір басқа. Құралай өзінің аман-есен босануына жағдай жасаған Шым­­кент қаласындағы №1 пери­на­талдық орталықтың бас дәрігері Мәдина Көкенова мен нәрестелер бөлі­мінің мең­герушісі Сал­танат Ақ­­қошқароваға және мейір­би­ке­лерге алғысын айтады. Оңтүстікті жұрт бекерден-бекер алтын құрсақ деп атамайды. Мәселен, солтүстік облыстардағы аналардың бір жылда туатын сәбилерін құдайға шүкір, Оңтүстік аналары бір айда жарық дүниеге әкеледі. Қазақстан – кең-байтақ. Алла­ның берген бағын қолда бекем ұстау үшін, тәуелсіздігіміздің тұ­ғы­ры биік, егемендігіміз баянды бо­луы үшін қазақ көбеюі керек. Өз жеріне өзгелер көз алартпас үшін мықты болмасқа болмайды. Кең құрсақ Оңтүстік демо­графияға осылайша үлес қосып жатыр. Бақтияр ТАЙЖАН, «Егемен Қазақстан». Оңтүстік Қазақстан облысы. Суретті түсірген Қайсар Шерім.