Қазақстандық модель өңір елдері үшін үлгі

Қазақстан Республикасының Президенті жанындағы Орталық коммуникациялар қызметінде «Қазақстан Республикасы Президенті жанындағы Мемлекеттік басқару академиясының Орталық Азия өңіріндегі этносаралық және конфессияаралық қатынастарды зерттеу орталығының жұмысы» тақырыбында брифинг өтті. Оған Мемлекеттік басқару ака­де­миясының вице-ректоры Шолпан Есімова, Орталық Азия өңіріндегі этнос­аралық және конфессияаралық қаты­настарды зерттеу орталығының жетекшісі Айгүл Сәдуақасова, «дес­труктивті діни ағымдардан зардап шеккендерге көмек көрсету орталығы» қоғамдық қорының президенті Юлия Денисенко қатысты. 2011 жылы құрылған орта­лық­тың жетекшісі Айгүл Сәдуа­қасова өз сөзінде Орталық Азия өңіріндегі этносаралық және кон­фес­сияаралық қатынастарды зерттеу орталығының алдағы уақыт­та мемлекеттік этносаясатты іске асыру және Қазақстандағы этнокон­фессиялық қатынастарды реттеу мәселелері бо­йынша білім беру іс-шараларын өткізуді назарда ұстай­тынын атап өтті. «Сондай-ақ, бұл орталық этносаралық және то­ле­ранттылық пен қоғам­дық келісімнің қазақстандық моде­лін нығайту мен дамыту жө­нін­дегі стратегиялық тұжырым­даманы әзірлеумен, Қазақстан­ның этнос­аралық және конфес­сия­аралық қаты­настары бойынша ғылыми-зерттеу ба­за­сын қалып­тастырумен айналысатын болады», – деді ол өз сөзінде. Шолпан Есімова Елбасы «Нұр Отан» партиясының XVI съезінде бес халықтық реформаны іске асыруда Академияның рөлі айрықша екеніне тоқталды. «Мемлекеттік қызметті кәсібилендіру кадрларды оқыту жүйесіне тікелей байланысты. Мемлекеттік басқару академиясы еліміз үшін басқарушы кадрларды дайындауда негізгі рөл атқарып отыр. Академияның 2020 жылға дейінгі даму стратегиясында елімізді табысқа жетелейтін басқарушы кадрлардың негізгі буынын сапалы дайындау мақсатына баса назар аударылған», – деді Ш.Есімова. Брифингке қатысушылар аталған орталық аясында эт­нос­аралық және кон­фессияаралық қатынастар саласындағы ғылы­ми-зерттеулерді үйлестіру, этно­саясаттың өзекті бағыттары бойынша Ассамблеяның қызметін ғылыми-сараптамалық тұрғыда қамтамасыз ету жүзеге асырылып жатқанын жеткізді. Бүгінде орталықтың жұмысына отандық, сондай-ақ, Оңтүстік Корея, Қы­тай, Болгария, Испания, Ресей, Ук­раина, Өзбекстан, Қырғызстан секілді елдерден сарапшылар арнайы шақырылады екен. Түрлі халық­аралық ұйымдармен де тығыз ын­ты­мақтастық орнатылған. Алдағы уа­қытта орталық мамандары Ас­тана, Ақтөбе, Орал, Петропавл мен Талдықорған қала­ларында 5 семинар өткізуді көздеп отырған көрінеді. Ләйла ЕДІЛҚЫЗЫ, «Егемен Қазақстан».