Аралда заңсыз жәрдемақы алған азаматшаға үкім шықты

АСТАНА. 1 шілде. Қызылорда облысы Арал аудандық прокуратурасы бір жасқа толмаған балаларға төленетін жәрдемақының төлену заңдылығына жүргізілген тексеру барысында қылмыстық құқық бұзушылық дерегі анықталды. Бұл туралы облыстық прокуратураның баспасөз қызметі хабарлады. Нақты айтсақ, Ешназарова 2010 жылдың 8 қазанында дүниеге келіп, сол жылдың 12 қазанында қайтыс болған немересіне бір жыл көлемінде жәрдемақыны заңсыз алып, мемлекетке 117 129 теңге шығын келтірген. Мемлекет қаржысын заңсыз иемдену дерегі бойынша Ешназароваға қатысты аудандық прокуратура 2015 жылы 30 сәуірде Қазақстан Республикасы Қылмыстық кодексінің 190-бабы 1-бөлігімен СДТБТ-не тіркеліп, тиісті процессуалдық шешім қабылдау үшін тергелу реттілігімен аудандық ішкі істер бөліміне жолданды. Сотқа дейінгі тергеп-тексеру барысында Ешназарованың мемлекетке келген шығынды толығымен қайтаруына байланысты оған қатысты қылмыстық іс ҚР ҚПК-нің 35-бабы 1-бөлігінің 12-тармағына сәйкес (ақталмайтын негізде) өндірістен тоқтатылған. Сонымен қатар, аудандық соттың 28 мамыр 2015 жылғы үкімімен Ешназарова азаматтық істі сотта қарау барысында немересінің 1 жылдан кейін қайтыс болды деп көрінеу жалған айғақ бергені үшін Қазақстан Республикасы Қылмыстық кодексінің 420-бабы 1-бөлігімен 3 жыл бас бостандығынан шектеу жазасына сотталды. Еламан Қоңыр. Дерек: Қызылорда облыстық прокуратураның баспасөз қызметі. Сурет: egemen.kz.