Қарағанды облысында 800-ден астам сайлау комиссиясы құрылды

ҚАРАҒАНДЫ. 5 наурыз. Қарағанды облысының әкімі Нұрмұхамбет Әбдібеков 26 сәуірде өтетін кезектен тыс президент сайлауына дайындық жұмыстарына арналған жиналыс өткізді. Бұл туралы облыс әкімдігінің баспасөз қызметі хабарлады. Жиналысқа қала және аудан әкімдері және аумақтық сайлау комиссиясының төрағалары, төраға орынбасарлары, хатшылары қатысты. Аймақ басшысы қазіргі таңда сайлау участкілерінің шекарасы және де сайлау комиссиясының құрамын анықтау барысындағы үлкен жұмыс атқарылғандығын айтты. «Алдағы сайлауға 803 сайлау комиссиясы, сонымен қатар жалпы көлемі 5 621 адам жұмылдырылады», – деді әкім. Жиында қала мен аудан әкімдеріне сайлау науқанына қатысты бірқатар тапсырма берілді. Айқын Несіпбай. Дерек, сурет: Қарағанды облыстық әкімдігінің баспасөз қызметі.