Уақыт талабынан туындаған шешім

Елбасы Нұрсұлтан На­зарбаев елімізде кезектен тыс пре­зи­денттік сайлау өткізу жөнінде Қазақстан халқына өз Үндеуін жа­риялағаны белгілі. Үндеу жа­рия­лауға себеп бол­ған мыңда­ған азаматтың ұсыныс­тары, сая­си партиялар мен демократия­лық күштер, респуб­ликалық қо­ғамдық бірлес­тіктер мен 500-ден астам үкімет­тік емес ұйымдардың өкілдері­нен келген ұсыныс-тілектер еді. Елбасы өз атына келіп түс­кен ұсыныс-тілектерге орай шешім қабылдау қажеттігі туындағанына тоқталды. Кезек­тен тыс президенттік сай­лау өткізу елдің бүгінгі ішкі саяси тұрақтылығы мен экономи­калық қуатын одан әрі нығай­ту мүддесінен ­туындап отырға­нын атап өтті. Халыққа Үндеуінде Елбасымыз алдағы сәуір айында президенттік ­сайлау өткі­зудің конституциялық ­нор­ма­ларға сәйкестігі жө­нін­де Сенаттың сұранысы бойынша Конституциялық Кеңестің шешімі болғанын, осы шешімге негіздеп Конс­титуцияның 41-бабы бойынша сәуір айының 26-сында президенттік сайлау өтетінін жариялады. Қазақстан әлемдегі барынша дамыған 30 елдің қатары­на қосылуға бағыт алып, «Нұрлы Жолды», нұрлы болашақты таңдады. Ата-бабаларымыз сан ғасырлар аңсаған «Мәңгілік Ел» болу мұратын жалпыұлт­тық идея ретінде басты бағдар етіп алды. Осындай жетістік­ке жетуіміздің негізінде Қазақ елін тәуелсіздіктің мәңгі тұғыры­на шығарған, экономикалық қиын­шылықтар мен саяси шие­леністерден алып шыққан Елбасымыздың ерен еңбегі жатыр. Сондықтан бұл тарихи маңызы ерекше сайлауға Елбасымыздың қатысуы туралы шешімін Қазақстан халқы үлкен үмітпен, зор сеніммен күтуде. Қорқыт ата атында­ғы Қы­зылорда мемлекеттік уни­верси­тетінің оқытушы-про­фессорлар құрамы мен студент жастары да президенттік сайлауға белсенді қа­тысуды азаматтық борышы және перзенттік парызы деп біледі. Қылышбай БИСЕНОВ, Қорқыт ата атындағы ҚМУ ректоры, профессор. ҚЫЗЫЛОРДА.