Ел мүддесін екшеген қадам

Мен өмірлік тәжірибесі, көр­ген-түйгені бар, кезінде Қос­­­­­та­най сияқты іргелі облысты бас­­­қарған, Қазақстан Парламенті Мәжі­лісіне депутат болған адам ретін­де, жалпы Тәуелсіз Қазақ елінің бір азаматы ретінде кезектен тыс президенттік сайлауды би­ыл, яғни 2015 жылы өткізу туралы ұсынысты дәл уақытында, жан-­жақты ойластырылып барып жасал­ған байлам деп қабылдаған едім. Біріншіден, мұндай ұсы­нысты Қазақстандағы 140-тай ұлт пен ұлыстың басын қосып, біріктіріп, ұйытқы болып отырған, беделі мен ұстанымы жөнінен жалғанның жалпағына танылған Қазақстан хал­қы Ассамблеясының Кеңесі жасады. Бұл құрылым Қазақстандағы барлық ұлт пен ұлыстың мүддесін, олардың ой-арманын дөп басып, білдірді. Екіншіден, Ассамблеяның осы ұсынысын еліміздегі сая­си партиялар мен қоғамдық бірлес­тіктер, шығармашылық одақ­тар, жастар, ардагерлер кеңесі мен әйел­дер қауымдастығы – бір сөзбен айтқанда, жалпы, жұртшы­лық бірауыздан қолда­ды. Тіпті, мен мұндай ұсынысқа қар­сы болған бірде-бір жанның пікі­рін естіген жоқпын. Өйткені, прези­денттік сайлауды дәл биыл, қазіргідей ерекше көкейкесті мәселелерді түбегейлі шешу қолға алынып жатқан тұста өткізу бұл Тәуелсіз Қазақстанның қамын, оның экономикасы мен әлеуметтік саласын тұрақты дамытудың қамын ойлағандық еді. Бұл – «Нұрлы Жол» бағдар­ла­масын түбегейлі жүзеге асы­рудың, «Қазақстан-2050» Стра­тегиясында алға қойылған әлем­дегі аса дамыған 30 елдің бірі болу, «Мәңгілік Ел» ұлттық идеясын бекемдей түсудің қамын ойлағандық болатын. Бұл – Қазақстандағы өте тиімді тұрақтылық моделін сақтаудың, бірлігімізді бекемдей түсудің, барлық күш-жігерімізді, ой-мақсатымызды Көшбасшы­мыз – Қазақстан Президенті Нұрсұлтан Назарбаев төңірегіне топтастырудың қамы еді. Бұл – әлемді жайлаған дағ­дарысқа қарсы тұрудың, одан аман-есен өтіп, елімізді биік белестерге бастаудың қамы болатын. Бұл – Қазақстанда қалыптасқан дана да сара ішкі және сыртқы саясат­тағы ұстанымдарды сақтап, Ота­нымызды ел мүддесіне, Қазақ­станда тұратын әр ұлттың мүд­десіне сай дамытудың қамы еді. Осының бәрін бізден артық білетін Елбасы өз Жарлығымен сайлау күнін белгілеп берді. Ал енді осындай асқаралы мін­деттерді атқарып, ауыр жүк­ті кө­теріп, Қазақ елін бүгінгі қойы­­лып отырған асқаралы мін­дет­­­­тер­ге сай дамыта алатын тұлға бар ма? Әрине, бар. Ол – Тәуел­­сіз­ Қазақстанның Тұңғыш Пре­зи­­­­­­ден­ті – Елбасы Нұрсұлтан Назарбаев! Мен Нұрсұлтан Әбішұлы­ның қайраткерлік, көшбасшы­лық қасиеттерін жақсы білетін жан­­дардың бірімін. Ол 1995 жылы 29 қыркүйекте мені өзі­нің Жарлығымен Қос­танай облы­­сының әкімі етіп тағайын­­да­ды. Бұл кезең бұрынғы эконо­микалық байланыс­тардың үзіліп, жаңа жүйе әлі қалыптаспаған, тәуелсіз еліміздің енді ғана жаңа Қазақстанды құрып жатқан ерекше бір қиын шағы еді. Халықтың қиналған тұсы да дәл сол сәт болатын. Сол тұралап қалған экономиканы алға бастырған, халықтың ел болашағына деген сенімін арттырған, шетелдермен дипломатиялық қарым-қатынас орнатып, шекарасын шегелеген, кеденін орнатқан, жаңа экономикалық қатынастарды реттеген, жүргізілген реформаларға ерекше серпін берген, халықтың сеніміне ие болған кім еді? Әрине, Нұрсұлтан Әбішұлы Назарбаев! Бұдан бұрын өткен сайлау­ларда асқан басымдылықпен жеңіске жеткен, ел тізгінін берік ұстап, бүкіләлемдік қоғамдастық арасында орасан зор беделге ие болған, Қазақстан халқының барлық жігінің қолдауы мен сенімін иеленген, елінің көшін бастаған даланың дана ұлы кім еді? Әрине, Нұрсұлтан Әбішұлы Назарбаев! Олай болса, біз осындай ұлымызға, халқының адал пер­зен­­тіне ел тізгінін ұстатып, өзі бас­таған істерді табысты жалғас­тыруына мүмкіндік беруіміз қа­жет. Міне, мен сондықтан да ке­зектен тыс президенттік сай­лау­­ды биыл өткізуді қолдаған едім. Тоқтарбай ҚАДАМБАЕВ, қоғам қайраткері. ҚОСТАНАЙ.