Мерейтойлық марафон

Атырауда 20 мың адам жаппай жүгіруге қатысты Атырауда Қазақстан халқы Ассамблеясының 20 жылдығына орай 20 мың адам жаппай спорттық жүгіруден өткен марафонға қатысты. Спорттық жүгірудің арақашықтығы – 2 шақырым 950 метр. Атырау қаласындағы мара­фонға 6 мыңға жуық адам қатысып, Салтанат сарайынан Исатай-Махамбет ескерткіші алаңына дейінгі аралықты жүгіріп өтті. Батырлар ескерткіші алдында облыс әкімінің орынбасары Сәлімжан Нақпаев жүгірушілердің арасынан ең жас қатысушы –№15 орта мектептің 3-сынып оқушысы Алтынбек Әнуарбек пен ең ересек жастағы қатысушы – Х.Досмұхамедов атындағы Атырау мемлекеттік университетінің 73 жастағы оқытушысы Жақсылық Раш­баевты, сонымен бірге, ең бел­сенді қатысушылар – об­лыс­тық төтенше жағдайлар депар­таменті басшысының орынбасары Сәлімғали Салықбаев пен Әділбек Өтеев арнайы дипломмен марапатталды. Ұлт батырлары атындағы алаңда әр этностың өкілдерінің қолынан шыққан әсем бұйымдар мен тағамдардың көр­месі де өтті. Бұған қоса «Тхониль», «Әлия», «Довира» секілді этно­мәдени бір­лес­тіктер өкілдері өз этностарының тарихи деректерін көрсетті. Бұл күні жаппай спорттық жүгіру марафоны жеті аудан орталығында да өтті. Оған әр ауданнан 2 мыңнан, барлығы 14 мың тұрғын қатысты. Жолдасбек ШӨПЕҒҰЛ, «Егемен Қазақстан». Атырау облысы. Суретті түсірген Рахым ҚОЙЛЫБАЕВ.